(klik op foto voor vergroting)


HAR DANIELS (gastheer)

 

QUIN HANSEN

 

CHRIT DRIESSEN

 

FER KOUSEN

 

RUDI VIREC

 

CONNY BRUIJNAERS

 

KOEN VERSTAPPEN

 

PETER VAESSEN

 

Verslag Buuttegala Januari 2015

      
’t Is toch heerlik um un jaor zoe te beginne.
Op 7 januari 2015 waor veur de derde kier ut Buuttegala van SPEL in de Oranjerie vaan Remunj.  550 lujj vaan SPEL en Oase waore nao dit oetzunderlijk spektakel gekome. En ze höbbe vaan begin tot eind met veul spas genote vaan de buuttes in allerlei dialecten, veural vaan divers Limburgs dialect.

Nao ’t openingswoord en de gelökwinse veur 2015 vaan uzze veurzitter Peter Muyres waor de beurt aon “uzze ” Har Daniels.
Dee vaan uz presenteerde dit weer op zien ludieke en sjieke weize.

Heij oonder geve veer weer, op welke veurtreffelijke meneer heer zien buuttereedners bedaankte.

Quin Hansen   
Beste minse.......höb geer allemaol goot opgelet!
Geweldig Quinn.......wie duis ze det.

Limburgs Jeugdbuuttekampioen, en det al veur de 2e keer!
en vandaag nooms doe os mit dien lif op en neer......

sjiek dets ze mit diene pap nao 't voetballe geis kieke, det is top,
maar verdorie......sjiet dem opins ein doef op ziene kop.

Jong, bun maar bliej det ze in 1988 bus gebaore.....
want angers waas mesjien Lowie van Gaal diene pap gewaore!

Quinn veer winse dich veur de kómmende tied toi...toi...toi
Dit waas veur uch Quinn Hansen.....és de liftboy!

Chrit Driessen
Chrisjaan.....wachte bie de pedicure is d'r veur dich neet biej,
effe de sök en sjoon oet, en doe sjteisz veur aan in de riej.

Tiedes de 4-daagse kumse vrouluuj taenge mit zo ein koete,
wose zo ein wasmesjien op aan kins sjloete......

en wils ze de 4-daagse oetloupe, dan mos ze héél goot aete,
zeker és Knabbel verkeerd om in dien ongerböks haet gezaete.

Chrit Driessen, om dich in os program te höbbe, waas ein grote eer,
Beste minse, uch daverend applaus veur Chrisjaan de wanjeleer!

Fer Kousen
In Remunj höbbe ze de VVD,
in Kerkraoj bliekbaar de KVP.

Sjteit hie inins eine sjpasminister mit ein héél anger dialect,
maar waat höb geer goot geloesterd, det verdeent respect.

Friedel doe kins jao jidderein......der Onno,
doe brachs os zellefs de jrüsze van Ricardo O.

Allein dach ich effe doe waas miene aje baas,
wie ich heurde zegke: "Kom op jong, gaef ins gaas!"

Maar beste vrundj waat kwoom dao inins euver de dösch,
ein zeer zeldzaam erotiese Marokkaanse mösch?

Friedel....det kinse eigelik neet maaaaache,
maar ja....de luuj die moste laaaaaaache......

Veer sjikke der sjpasminister noen nag Hause,
Leef luuj dit waas veur uch Fer Kousen.

Rudi Videc:
Leef vastelaovesvrunj.....'t is geine flauwe kul,
zo ein laezing door eine proffessor van de KUL.

Euveral haet hae ein verklaoring veur, nieks is hem te dol,
zellefs euver de biewerkinge van alcohol.....

en bliekbaar höbbe ze in Belgsch zo heur eige norme,
beveurbeeld es ut geit om alcohol en worme.

En proffessor zin....det is héél hél werke,
dingk maar ins aan ut onthaje van allemaol die beermerke!

Ein laezing vol humor en gekkigheid,
Rudi Videc.....alias professor van de Moorsele van ein Belgsche universiteit!!

Conny Bruijnaers:
Waat ein wiesnaas, Conny.....dich zoots mit dien naeske euveral biej,
zellefs wie pap en mam samesjpeelde oppe meziek van K3.

Ich haop allein neet dets dich 9 maondj inne boek höbs gezaete,
omdét dien mam dich haaj opgegaete.....

En ein wiesnaas die is ech heel wies.....
hilt precies biej waem eine sjleutel haet van 't paradies.

en 't méndje inne kirk is neet allein veur pieke,
maar gelökkig ouch veur zieke!

In ganz Limburg treujed dit maedje op.....veur volle zale,
uch geweldig applaus....veur Conny Bruijnaers.....oet Hale.

Koen Verstappen
Tis nie te geluuve, Koen dich höbs ut weer gepresteerd,
waat höbbe de minse inne zaal weer väöl geleerd.

Want klage hulp neet op den doer.....
ouch al sjteisze veur ein moer...

en de Postcodekanjer winne....is bés leuk,
want dan komme de kinjer nag ins op bezeuk!

Hubse eindelik es vader Kees van Dinges.....waat unne sjat,
haet de halve klas dem al es pap gehat......

En de wereld sjteit pas ech op ziene kop......
es oma in plaats van oppasse, kaertjes köp veur BOSPOP.

Ein buut vol waordsjpelinge...en grappen,
dit waas veur uch.....Koen Verstappen!

Peter Vaassen
Minse, zegk eerlik, is det neet sjoon,
om biej de ALDI boodsjappe te doon.....

De Aldi kinse ein bietje mit de LIDL vergelieke,
omdet de managers dao 3 oer langk nao boete sjtaon te kieke.

en haaj de vrouwe maar ins in toom,
és Peter ut geit höbbe, euver ut sjtofzuigersyndroom.

Albert Hein.....sjpeelde weer geweldig mit deze zaal,
dit waas Peter Vaassen van ein ALDI-filiaal.

Bedaank en mesjien tot volgend jaor.
Guy, Har en Hans


                                                                          terug