Verslag Buuttegala 2016

Quinn zo'n introductiekamp inne Ardenne
ich zól d'r ouch van wegrenne....

maar volges mich haajt geer waal eine leuke groep,
zo same mit meneer Joep.

Dae zoot es houtdoef op eine tak,
en det bungyjumpe.....dae erme Judocus KWAK

mit dees creatie waerdes doe buuttekampioen veur de 3e keer
beste minse, waat wille veer in Limburg noe nag meer.

Dit jaor geissen wéér mit doon, jóng griep dien kanse...
beste luuj, gaef 'm applaaus, oze eige Quinn Hansen.

HAR DANIËLS:

Sjatje, gluif mich maar gerös...
ich merk d'r nieks van des doe 65 bös!

Sjómme kal en gekke teun, det kinse nag neet laote,
doe höbs dich zelfs de vogel aafgesjaote.

Dae AOW van dich.......des geine vetpot, ongelaoge,
ich dink det ich op 't werk maar óm get euveroere mót vraoge.
Mer des se noe wils gaon wirke in eine winkel mit damesóngergood,
Jóng.....dink nao......veulse dich nag waal good!

Ein sjlot bedinke is veur mich neet léstig...
uch applaus veur miene Harie, dae is 65 !!!!!

HENRI VAN GENEIJGEN:

Sjporte is bliekbaar héél gezóndj
toch maak deze voetbalveteraan 't waal heel erg bóndj
tiedes de rös begint hae d'r al duchtig op los te pave
en nao de wedsjtried blief hae es leste, om ziene dórs te lave.

Maar sjmaondigs verangert dudelik zien humeur
want waem sjteit dao opins bie hem aan de deur
ochérm....pak hae ins eine keer de ziektekaart
sjteit dao de controleur, dae scheids mit ziene grote baart.

Kleidkamer geheime verklap hae mit groot gemaak
kiek maar nao 't verhaol van de óngerbóks van Sjaak
en binnekort drage zie reclame oppe bors...
veer drinke gratis dankzij HEMA-wors

Sjportiviteit , humor, de 3e helf sjtaon bie hem baovenaan
dit waas Henri van Geneijgen es de voetbalveteraan!!!

CONNY BRUIJNAERS:

Conny......vlege bringk väöl minse allein maar stress
maar zeker neet mit dich es sjtewardes.
Rubulentie, léstige gaste....de automatiese piloot,
mit dien ervaring kump alles goot.

Doe adviseers luuj in de vleger te gaon zitte oppe eerste riej,
want dan kump esse neersjtors nag eine keer de drankkér veurbiej.
Conny loester waat ich dicg zegk
ederein haet waal ins las van JETLEK

Volges dich waas Jesuuke de zo mit klaor,
doe kos keze oet eine kale kop......of rooj haor!!
Veur de rés lap zie alle regelkes aan heure laars
uch daverend applaus veur Conny Bruijnaers!!!

FRANK VROOMEN:

Frank......ein passie....zo good oetgebeeld,
doe kós zo in de Passiesjpele höbbe mit gesjpeeld.
en és diene regiszeur zaet, ut kruus drage is ein heel zwaor las,
dan zaet Frank...ein makkie, maar pin mich neet d'rop vas

Dien verhaol euver kamille thee vónj ich héél biezónjer,
ein vrouw die zjwieg.....ich dach alweer ein wónjer.
Frank ich wis neet det deep in dich zónne sjienheilige verbórge zoot,
en és ich dich ins bekiek, dien geliekenis mit Conchita Wurs is groot.

Hae waert besjlis 't beste onger de daekes in Rome,
leef luuj....dit waas veur uch Frank Vroomen!!!

FER NAUS:

Gedicht van Willem Holleeder.

Fer
allerliefste Ferretje....
ik maak mij zorge om mijn sterretje....
Fer, jij houd wel van een lolletje...
jij bent altijd welkom in mijn.........

Fer laot mich noe toch gouw gewaere,
moog ich zelf weite wo ich mich gaon schaere....
't laeve van eine pizzakoerier geit neet euver roze
de hele daag sjleipe mit die pizza-doze...
Colzone, quatro formagio, napolitana.....mamma mia
en dan belt ouch nag ins buurvrouw Ria
eine pizza 4 seizoenen det mot kinne,
maar aan welke kantj mosse dan beginne....

Sjaele wazel van de baovenste plank,
gaef daorom deze pizzakoerie és dank
uch waalgemeind en daverend applaus,
beste minse dit waas Fer Naus!!!!

GER FRENKEN:

Vanaovend krege veer ein heel wies lés
de biste Alfa-hulp kump oet de flés.
Belik uch geld neet oppe bank veur rente,
invisjteer in Jägermeister dan kriegse meer prozente.

Ger is ein grootheid in de buut, det is weer gebleke,
want ouch al haet hae te deep in 't glaeske gekeke
goof hae ós eine hele wieze raod: drink mit mate
Vastelaovesgekke...dit waas Ger Frenken , es de Zate!!!!

SLOT:

Nag effe....en dan sjtruimp de Oranjerie weer laeg,
en geit ederein weer ziene eige waeg...
nao de ups en downs van 't dagelikse laeve...
veer haope det de lach uch weer extra krach haet gegaeve.

Een det 't uch allemaol goot moog gaon.....leef luuj,
det wins uch van ganse hérte.....de Hirkebósjer Revue

                                                                          terug